ഒരു കുഞ്ഞുണ്ടായാല് ഏറ്റവും കൂടുതല് കിട്ടുന്നത് പൌഡറും, സോപ്പും ആയിരിക്കും. ഇതു ഉപയോഗിച്ചില്ലെങ്കില് മിക്കവര്ക്കും ഭയങ്കര ബുദ്ധിമുട്ടാണ്. പ്രായംആയവര്ക്കും, ബന്ധുകള്ക്കും ആയിരിക്കും ഇതു ഏറ്റവും കൂടുതല്. ഞങ്ങള്ക്ക് വാവയുണ്ടായി കഴിഞ്ഞപ്പോള് ഇങ്ങനെ പറയാന് ആരും ഇല്ലാത്തത് കൊണ്ടു കൊണ്ടു ഞങ്ങള് രക്ഷപെട്ടു. പൌഡര് മുഖത്തിടുമ്പോള് അത് കുഞ്ഞുങ്ങളുടെ മൂക്കില് കൂടി കയറി ശ്വാസ തടസം ഉണ്ടാവും. അത് മാത്രമല്ലാ അത് പിന്നെ പല അസുഖങ്ങള്കും കാരണമാകും. ഇതൊന്നും എത്ര പറഞ്ഞാലും മനസിലാവില്ല. പൌഡര് ഇട്ടാല് കുഞ്ഞു വെളുക്കും എന്നാണ് പലരുടെയും വിചാരം .
പൌഡര് അങ്ങനെ നമുക്ക് ഒഴിവാക്കാനും പറ്റില്ല. കൊച്ചു കുട്ടികള്ക്ക് കുളി കഴിഞ്ഞാല് കഴുത്തിലും, തുടയിലും, കക്ഷത്തിലും, കയ്യിമടക്കിലും വെള്ളം ഇരിക്കാന് സാധ്യതയുണ്ട്. അതവിടെ ഇരുന്നു ചുമന്നു പൊട്ടും. അതൊഴിവാക്കാന് എല്ലാ ദിവസവും കുളി കഴിഞ്ഞ ശേഷം അവിടെ പൌഡര് ഇടണം.
തണുപ്പുള്ളപ്പോള് എല്ലാ ദിവസവും കുളിപ്പിക്കേണ്ട ആവശ്യവുമില്ല . കക്ഷവും, തുടയും എല്ലാം നനഞ്ഞ തുണി കൊണ്ടു തുടച്ചാല് മാത്രം മതി. പിന്നെ ശ്രദ്ധിക്കേണ്ട കാര്യം ചെവിയാണ് . കുളിപ്പിക്കുമ്പോള് ചെവിയില് വെള്ളം പോകുന്നത് സാധാരണം. അത് ഒരു തുണിയെടുത്ത് ചെറുതായി ഉരുട്ടി ചെവിയില് കയറ്റി വെള്ളം ഒപ്പിയെടുക്കണം. അതിന് ബട്സു ഉപയോഗിക്കേണ്ട ആവശ്യമില്ല. ഇങ്ങനെ ഉപയോഗിക്കുന്ന തുണി കഴുകി വൃത്തിയാക്കിയത് വേണം .
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ