കണ്ണിലെ പഴുപ്പ്

എന്റെ വാവ ജനിച്ചപ്പോള്‍ തന്നെ ഒരു കണ്ണില്‍ പഴുപ്പുണ്ടായിരുന്നു. അപ്പോള്‍ ഡോക്ടര്‍ പറഞ്ഞത് കുഞ്ഞാവകള്‍ക്ക് നോര്‍മല്‍ ഡെലിവറി സമയത്ത് കണ്ണില്‍ പഴുപ്പ് വരാന്‍ ചാന്‍സുണ്ട്. അവര്‍ ബര്‍ത്ത് കനാലില്‍ കൂടി വരുമ്പോള്‍ ഉണ്ടാവുന്ന ഇന്ഫെക്ഷന് ആണത്രേ അത്. അതിന് മരുന്ന് ഒഴിക്കേണ്ട ആവശ്യമില്ല. കണ്ണ് നീര് വരുന്ന ഭാഗത്ത് ( മൂക്കിനോട് ചേര്‍ന്ന ഭാഗം) ചെറുതായി മസ്സാജ് ചെയ്താല്‍ മതി. ഒന്നോ രണ്ടോ പ്രാവശ്യം പോര. ദിവസവും കുറേ പ്രാവശ്യം ചെയ്താല്‍ മാത്രമെ ഇതു പോവുകയുള്ളു. എന്‍റെ വാവയുടെ ഇതു മാറാന്‍ കുറേ നാള്‍ എടുത്തു. എന്നും മസ്സാജ് ചെയ്യാനുള്ള എന്‍റെ മടിയാണ് ഇതിന് കാരണം.

കുഞ്ഞിന്‍റെ നാലാം മാസം

എല്ലാ അമ്മമാരുടെയും പ്രിയപ്പെട്ട മാസം ആയിരിക്കും ഇത്. എല്ലാ മാസവും പ്രിയപെട്ടതാനെങ്കിലും ഇതിന് അല്പം മധുരം കൂടും. കുഞ്ഞുങ്ങള്‍ ചിരിച്ചു സ്വയം കളിച്ചു അടങ്ങി കിടക്കുന്ന മാസമല്ലേ ഇത്. എന്‍റെ വാവയുടെ ഉറക്കമെല്ലാം ഇപ്പോള്‍ കുറഞ്ഞു. അല്ലെങ്കിലും ഇവള്‍ ഉറങ്ങാതെ എന്നെ ബുദ്ധിമുട്ടിച്ചിട്ടില്ല. ജനിച്ചപ്പോള്‍ തൊട്ട് രാത്രി സുഖമായി ഉറങ്ങുമായിരുന്നു. ആ കാര്യത്തില്‍ ഞാന്‍ ഭാഗ്യം ചെയ്തതാണെന്ന് എല്ലാവരും പറയും. ഇപ്പോള്‍ രാവിലെ ഞാന്‍ ഉറങ്ങുന്നത് വരെ ഉറങ്ങും. പിന്നെ ചിരിച്ചു സ്വയം വര്‍ത്തമാനമെല്ലാം പറഞ്ഞു കമിഴാനൊക്കെ ശ്രമിച്ചിങ്ങനെ കിടക്കും. കമിഴുന്ന കാര്യം പറഞ്ഞപ്പോല ഓര്‍ത്തത്‌. അത് ശരിക്കും രസമാ. ബെഡില്‍ കിടത്തിയിട്ടാ കമിഴാതതെന്നു വിചാരിച്ച് നിലത്തു കിടത്തി. ഒരു ദിവസം നോക്കിയപ്പോ ബോഡി ചരിഞ്ഞു. ബാക്കി മുഖം ചരിച്ചു, പക്ഷെ വാവക്ക് പറ്റുന്നില്ല. പറ്റാത്തതിന്റെ സങ്കടം കൊണ്ടു കരയും, പിന്നെയും ശ്രമിക്കും, പിന്നെ കരയും. അങ്ങനെ അന്നത്തെ ദിവസം കടന്നു പോയി. ഞങ്ങളാരെങ്കിലും ഹെല്‍പ്‌ ചെയ്താല്‍ കുറച്ചു നേരം തല പോക്കിപിടിചൊക്കെ കിടക്കും. അങ്ങനെ കുറച്ചു ദിവസത്തിന് ശേഷം വാവ കമിഴ്ന്നു. ഇപ്പോള്‍ എടുത്തു നിര്‍ത്തുന്നത്‌ വളരെ ഇഷ്ടമാ.ഇങ്ങനെ ചിരിച്ചു നിന്നോളും.

കുഞ്ഞിന്‍റെ മൂന്നാം മാസം

മൂന്നു മാസം കഴിയുമ്പോഴേക്കും വാവയുടെ തല ഉറക്കാന്‍ തുടങ്ങും. ഇപ്പോള്‍ മലര്ത്തി എടുക്കുന്നത് മിക്ക കുഞ്ഞുങ്ങള്‍കും ഇഷ്ടമാവില്ല. എന്‍റെ വാവക്ക് അതൊട്ടും ഇഷ്ടമല്ല. ശബ്ദം കേട്ട ഭാഗത്തേക്ക്‌ നോക്കാനും വസ്തുക്കള് നീങ്ങുന്നതിനു അനുസരിച്ച് കഴുത്ത് തിരിച്ചു നോക്കാനും തുടങ്ങും. കടയില്‍ പോയപ്പോള്‍ ഓരോരുത്തരും നീങ്ങുന്നതിനു അനുസരിച്ച് അവളിങ്ങനെ തല തിരിക്കുകയായിരുന്നു. അത് കാണുന്നത് തന്നെ നല്ല രസമാ.

കുഞ്ഞിന്റെ രണ്ടാം മാസം

രണ്ടു മാസം ആകുമ്പോഴേക്കും എന്‍റെ വാവക്ക് എന്നെ മനസിലായി. ഞാന്‍ അടുത്ത് വരുമ്പോള്‍ അവള്‍ക്ക്‌ അറിയാം . എല്ലാ അമ്മമാരുടെയും പാലിന്‍റെ മണം കുഞ്ഞിനു അറിയാമത്രേ. ഇനി മുതല്‍ കുഞ്ഞ് അമ്മയുടെ മുഖത്ത് നോക്കി ചെറുതായി ചിരിക്കാന്‍ തുടങ്ങും. ആ ചിരി കണ്ടിരിക്കാന്‍ തന്നെ നല്ല രസമാ. ആ പല്ലില്ലാത്ത മോണ കാട്ടിയുള്ള ചിരി. അത് കണ്ടാലല്ലേ അറിയൂ.

കുഞ്ഞിന്റെ ആദ്യ മാസം

ജനിക്കുമ്പോള്‍ കുഞ്ഞു എപ്പോളും ഉറക്കമായിരിക്കും ഒരു 20-22 മണിക്കൂറൊക്കെ ഉറങ്ങിക്കളയും. ആദ്യ ദിവസങ്ങളില്‍ പാല് കുടിപ്പിക്കാനുള്ള ബുദ്ധിമുട്ട് അനുഭവിച്ചവര്ക്കേ അറിയൂ. ആദ്യത്തെ കുഞ്ഞാണെങ്കില്‍ പറയുകയും വേണ്ട, കുട്ടിക്ക് കുടിക്കാനറിയില്ല, അമ്മക്കാണങ്കില് കുടിപ്പിക്കാനും. കുഞ്ഞു ശരിക്കും പാല് കുടിച്ചു തുടങ്ങാന്‍ രണ്ടാഴ്ചയെങ്കിലും എടുക്കും. മാത്രമല്ല ഉറങ്ങുന്ന കൊച്ചിനെ എഴുനെല്പിക്കുകയെന്നത് തന്നെ വളരെ പ്രയാസമായിരിക്കും ചെവിയിലോ കാലിലോ വിരലു കൊണ്ട് തട്ടി കരയിച്ചായിരിക്കും ഉണര്ത്തേണ്ടത്.
കൊച്ചിന് ജനിച്ചപ്പോള്‍ ഉണ്ടായിരുന്ന തൂക്കം കുറയുന്നത് സാധാരണം - മിക്ക കുഞ്ഞുങ്ങളും പാല് കുടിച്ച ശേഷം ശര്ദിക്കുന്നതും. ആദ്യത്തെ 2 ആഴ്ച വെയ്റ്റു കുറയുന്നതില് ടെന്ഷന് അടിക്കേണ്ട കാര്യമില്ല. പാല് കുടിച്ചയുടനെ കുഞ്ഞിനെ എടുത്തു തോളത്തു കിടത്തി പുറത്തു ചെറുതായി തട്ടി ഗ്യാസ് കളഞ്ഞാല്‍ ശര്ദ്ദി ഒഴിവാക്കാം. ഇങ്ങനെ ഗ്യാസ് കളയാത്തത്കൊണ്ടു വരുന്ന വയറുവേദനയാണ് മിക്ക കുഞ്ഞുങ്ങളും കരയുന്നതിനു കാരണം.

കുഞ്ഞിന്റെ തല നീണ്ടിരിക്കുന്നത്

കുഞ്ഞാവ ഉണ്ടായപ്പോള്‍ തല crystal skull പോലെ ആയിരുന്നു. നോര്‍മല്‍ പ്രസവത്തില്‍ കുട്ടിയുടെ തല അമ്മയുടെ ഇടുപ്പില്‍ കൂടുതല്‍ സമയം വന്നിരികുന്നത് കൊണ്ട് പുറത്തു വരുമ്പോള്‍ തലക്ക് നീളം കൂടുതല്‍ ഉണ്ടാകും. ഇതു ഉരുട്ടി ശരിയാക്കുകയെന്നത് ശരിയല്ല. അത് ഒരു മാസം കഴിയുമ്പോള്‍ താനെ ശരിയാവും.

കുഞ്ഞിനു വെള്ളം നല്‍കണോ?

ശരിക്കും പാല് കുടിക്കുന്ന കുഞ്ഞുങ്ങള്‍ക്ക് വെള്ളം നല്‍കേണ്ട ആവശ്യമില്ല. മുലപാല്‍ കുറഞ്ഞാല്‍ മൂത്രത്തിന്‍റെ അളവും കുറയും. മാത്രമല്ല കുഞ്ഞു കരയുകയും ചെയ്യും.

കുഞ്ഞാവയ്ക്ക് മഞ്ഞ നിറം.

ജനിക്കുമ്പോള്‍ മിക്ക കുഞ്ഞുങ്ങള്‍കും മഞ്ഞ നിറം ഉണ്ടാവും. പക്ഷെ എന്‍റെ വാവക്ക് ഭാഗ്യത്തിന് ഇതുണ്ടായില്ലട്ടോ. ആദ്യത്തെ ഇരുപത്തിനാലു മണിക്കൂറിനുള്ളില്‍ മഞ്ഞ നിറം കണ്ടാല്‍ അത് വളരെ ഗൌരവമുള്ളതാണത്രെ. സാധാരണയായി ഇതു കാണുന്നത് ഇരുപത്തിനാലു മണിക്കൂറിനു ശേഷവും ഏഴ് മുതല്‍ പത്തു ദിവസതിനുമിടയിലാണ്. അമ്മയുടെ ബ്ലഡ്‌ ഗ്രൂപ്പ് -വും, കുഞ്ഞിന്റെ പോസിറ്റീവ് ആകുക, അമ്മയുടെ ഓ ഗ്രൂപ്പും, കുഞ്ഞു എ ഗ്രൂപ്പോ, ബി ഗ്രൂപ്പോ ആകുക ഈ അവസ്ഥയില്‍ മഞ്ഞപ്പ്‌ കൂടും. മഞ്ഞപ്പ്‌ വരാതെയിരിക്കാന്‍ രാവിലെയും വൈകുന്നേരവും ഇളംവയില് കൊള്ളിക്കണം എന്നൊക്കെ പറഞ്ഞു കേള്‍ക്കുന്നുണ്ട് . ഇതു എത്ര മാത്രം സത്യമുണ്ടെന്നെന്നും അറിയില്ല.